WhoopsiDaisies

睇到人地o既儲錢大計…真係歎為觀止…自己都要好好參考一下

• 茶餐廳都唔敢叫凍飲, 因為要加2蚊
• 帶飯返工,連出街食飯d錢都慳返
• 減少出去玩
• 早餐食d最平既面包
• 行好遠搭巴士, 唔搭近D的小巴或的士
• 減價先買衫
• 日日lunch食$10一碗麵
• 多D留喺屋企
• 唔買6合彩
• 唔好去Physical做運動, 落街跑步算了
• 食lunch盡量唔過$22
  少咗去唱k,see film,依家去打機多,10元8塊都有排玩
• 買個錢箱,要打爛先攞到錢個隻, 有錢淨就入錢落去, 冇限入幾多
• 一日只係洗十蚊以內既車錢, 唔係點買衫
• 去超市買野一定要特價先買
• 可以去街市或者藥房買到的野就千祈唔好去超市買, 因為就算特價, 超市都係貴 d
• 買 衫 一定要有折先買, 就算九五折都好, 總之無折, 唔平比我就一定say no : d衫你真係好鐘意先好買, 盡量迫自己睇多2次都係唔捨得唔買先好羅錢...先排我試左條褲, $890, 第一次好想買, 再試第二次已經無咁想, 到而家無買到咪又係咁? 咁我又儲多幾百蚊哪
• 買任何野之前, 先問自己一句 「唔買呢樣野, 我會唔會死先?」通常最後我都係唔買
• 多d 去圖書館借書看, 除了增加修養, 二來睇得多你就發現去唱 k 真係好無聊, 仲有最重要係唔好蝕比政府, 交咁多稅, 點都要用番多d 免費服務, 不過記得上網續借, 如果唔係要罰錢
• 上yahoo bid平野 & 放野 (試過用市價一半有多bid件全新既名牌野!)
• 8達通要知邊d線有轉"成"優惠
• 我會將每日所用嘅錢記低, 然後就會發覺自己好大使, 慢慢, 就會開始知道有好多嘢唔係一定要買
• 限住自己每日可以使幾多錢, 如果今日用多左, 就會明日減番啲
• 零存整付戶口
• 係咁剪coupon 換護膚品, 用完唔駛即刻買. 可以既話, 用哂samples 先
• 會look card, 因為儲積分. 順便睇下邊張咭有優惠, 而家中銀信用咭一蚊雞可以係萬記換野, 換埋換埋唔駛第日比錢買
• 一個wk 淨係擺幾百蚊出黎放銀包.
  去supermarket買野食, 淨係買做緊特價個d, 仲要係十元雞樓下至買.
• 長期裝支水放於袋中, 一口渴就可以飲, 慳番d錢買野飲
• 成日催眠自己要慳錢
• 開兩個銀行Account, 一個有提款card, 一個無, 每個月出糧拎晒D錢出o黎, keep低異仟蚊自己洗 , 將其他錢入晒無提款card個account到
• 買野睇下錄card有無cash back , 錄o左card會向四仟蚊到扲返起, 留返找card數用
• 每次返屋企就開銀包睇o下有無$5 或$10 銀，有就入落錢罌，唔經唔覺滿o左都有成千蚊o架。
• 去旅行一定拎酒店 d 牙刷同拖鞋走，家人同朋友晌外國返o黎有得用。仲有 d 針線包同抹鞋布，留返以防不時之需。
• 買o野 d 包裝紙留返o黎第日包禮物比人。
• 平時有帶飯返工，如出街食晚飯，會用返自己個飯盒載食淨o既送，慳返$1 外賣盒錢。
• set 一個數目比自己, 每個星期可以用嘅$$, 買野盡量比現金, 用哂就要捱到下個禮拜
• 特登兜路搵MTR平兩蚊機
• 見一個朋友限定每月見一次好了
• 幫阿媽用信用咭交燈油火臘等開支, 好易儲夠分換百佳 $100 現金卷 (呢 d 固定開支其實真係好大)
• 將屋企唔要既野擺上網拍賣
• 全部消費/繳費/八達通增值都用同一張hsbc咭, 賺分換coupons (我出年夠7年, 可以6折積分換禮品呀)
• 食野/買野去d有得用八達通俾錢既地方, 又可以賺積分!
• 買二手vcd/dvd睇, 想睇既新戲等佢跌價先買
• 買衫去開倉果d地方, 灣仔近太原街有好多賣剪左牌既名牌衫, 平好多!
  放假出街儘量一次過去哂要去既地方, 慳番d車費
• 不用見客時會戴眼鏡. 我平日用 one day acuvue. 戴眼鏡那天可以慳 $8
• 衣服....愈買愈少...發覺少衫有很多好處, 豈碼不用花時間去處理衣物.
  去少了旅行, 這個慳很多
• 以前一見到平野便買, 現在就算覺得好平都不會買. 先告訴自己是否用得著. 所以這兩年都沒有買任何擺設的東西
• 將出糧的錢放在一個沒有提款卡的賬戶上, 用錢時要專門過賬入有提款卡的戶口...有提款卡的戶口永遠不多過五千元
• 如果家中只得我一人又天氣太熱﹐就會去SHOPPING OR 游水 OR 去酒店的HIGH TEA CAFE﹐盡量少在家﹐可以慳好多電費
• 吾去美容院做facial, 自己買護膚品做,也不用買好貴名牌. 同埋我發覺食清淡, 多食生果蔬菜, 效果仲好過做facial
• 剪髮吾超過一百蚊, 吾做colour, highlight,電髮
• 買一磅方包, $7.5 , 每朝食兩塊夾果占, 牛油, 可以食一個星期
• 佢地會將要待機，又唔係成日用的電器的插蘇拔左去
• 將雪櫃的溫度較細小小
• 全家人的手提電話用同一個台
• 用可以慳水既花灑（呢隻花灑出水既洞比平常的分得比較散）
• 唔睇電視同雜誌，因為見到廣告就會想買野